Gofaint Arian – Gweithdy Arbenigol
Trosolwg
Bydd tair sesiwn o ddeg wythnos o weithdai yn eich annog i ddatblygu technegau gofaint arian uwch gan roi modd i chi arbenigo yn y maes o’ch dewis. Mae’r cyrsiau yn addas i’r rhai sydd â rhywfaint o brofiad mewn gofaint arian.
Dewiswch o blith amrywiaeth o dechnegau gosod cerrig, technegau ffurfio, enamlo, castio, colfachau, uniadau a chlasbiau ac ati, rhybedu, ffurfio, neu waith gyda thema.
Gall myfyrwyr arbenigo mewn techneg wahanol yn ystod pob sesiwn o 10 wythnos neu barhau â’i harbenigedd am y flwyddyn gyfan os mynnant. Mae’r gweithdai hyn yn hyblyg eu cynnwys fel y gallwch fireinio technegau uwch o wneud gemwaith. Bydd disgwyl i chi wneud rhywfaint o waith ymchwil a dylunio sy’n briodol i’ch arbenigedd.
Gall pob sesiwn o 10 wythnos fod yn annibynnol o’r lleill – addysgir sgiliau ar gyfer pob arbenigedd yn ôl yr angen. Bydd disgwyl i fyfyrwyr weithio’n annibynnol a chynhyrchu gwaith o safon uchel a gorffeniad o ansawdd.
Gwybodaeth allweddol
Mae profiad blaenorol yn angenrheidiol e.e cyrsiau gofaint arian dechreuwyr a chanolradd.
Bydd dysgwyr yn gwneud darn neu ddarnau o emwaith i ddangos eu gwybodaeth a’u dealltwriaeth a’u cymhwysedd wrth ymarfer.
Mae dilyniant drwy gydol y flwyddyn, ond gall pob cwrs Gofaint Arian fod yn annibynnol o’r lleill – byddwch chi’n dysgu sgiliau sylfaenol ar bob cwrs yn ôl yr angen.
Addysgir y cwrs trwy sesiynau wyneb yn wyneb mewn stiwdio gofaint arian llawn cyfarpar – darperir yr holl offer.
Gellir defnyddio amrywiaeth o ddulliau asesu:
- Arsylwi ymarfer yn uniongyrchol
- Cwestiynau llafar / trafodaeth broffesiynol
- Gwerthuso eu darn terfynol
- Arsylwir iechyd a diogelwch drwyddi draw.
Yng Ngholeg Gŵyr Abertawe, gallech chi ddychwelyd i’r Gweithdy Arbenigol i ddysgu sgiliau gwahanol neu barhau i ymarfer y sgiliau o’ch dewis.
Gall dysgwyr symud ymlaen i hunangyflogaeth hefyd (neu gyflogaeth), neu i gyrsiau eraill ym maes gemwaith.
Ffi stiwdio £10.
Bydd rhaid i fyfyrwyr brynu eu harian eu hunain, sydd ar gael yn www.cooksongold.com. Bydd cost y defnyddiau yn dibynnu ar y dyluniadau unigol a’r cerrig o’ch dewis. Bydd o leiaf un prosiect i’w gwblhau ar bob cwrs.